வீட்டிலேயே செய்யக்கூடிய ஹாங்காங் ஃப்ரைடு இறால் செய்வது எப்படி?

வீட்டிலேயே செய்யக்கூடிய ஹாங்காங் ஃப்ரைடு இறால் செய்வது எப்படி?

நாம் இறால் ஃப்ரை வீடுகளில் சாப்பிட்டிருப்போம். ஆனால் இன்று ஹாங்காங் ஃப்ரைடு இறாலை வீட்டிலேயே எளிய முறையில் செய்வது எப்படி என்று பார்க்கலாம்.

தேவையான பொருட்கள்

இறால் – 500 கிராம்
கார்ன்ஃப்ளார் – 50 கிராம்
மைதா மாவு – 25 கிராம்
முட்டை – 1
உப்பு – தேவையான அளவு
இஞ்சி, பூண்டு விழுது – அரை டீஸ்பூன்
சர்க்கரை – 1 டீஸ்பூன்
வெள்ளை மிளகுத்தூள் – 2 டீஸ்பூன்
பெரிய வெங்காயம் – 50 கிராம்
இடித்த காய்ந்த மிளகாய்ப் பொடி – 2 டீஸ்பூன்
செலரி இலைகள் – சிறிதளவு
இஞ்சி, பூண்டு – 10 கிராம்
எண்ணெய் – தேவையான அளவு
வெங்காயத்தாள் – 10 கிராம்
பச்சை மிளகாய் – 2

செய்முறை

ப.மிளகாயை நீளவாக்கில் வெட்டிக்கொள்ளவும். செலரி, இஞ்சி, பூண்டு, வெங்காயத்தாளை பொடியாக நறுக்கி கொள்ளவும்.

இறாலை நன்றாக சுத்தமாக கழுவி கார்ன்ஃப்ளார், மைதா, முட்டை, உப்பு, இஞ்சி, பூண்டு விழுது, தண்ணீர் சேர்த்துப் பிசைந்து 30 நிமிடம் ஊறவைக்கவும்.

பாத்திரத்தை அடுப்பில் வைத்து பொரிப்பதற்கு தேவையான எண்ணெய் ஊற்றி சூடானதும் ஊறவைத்த இறாலை போட்டு பொரித்து எடுக்கவும்.

மற்றொரு பாத்திரத்தில் சிறிது எண்ணெய் ஊற்றி, இஞ்சி, பூண்டு, பச்சை மிளகாய், வெங்காயம், செலரி, காய்ந்த மிளகாய்த்தூள் சேர்த்து வதக்கவும்.

இதில் பொரித்த இறால், உப்பு, சர்க்கரை, வெள்ளை மிளகுத்தூள், வெங்காயத்தாள் தூவிக் கிளறி இறக்கவும். சூப்பரான ஹாங்காங் ஃப்ரைடு இறால் ரெடி.

Website – www.universaltamil.com

Facebook – www.facebook.com/universaltamil

Twitter – www.twitter.com/Universalthamil

Instagram – www.instagram.com/universaltamil

Contact us – [email protected]