ரஜினி, கமல் திரைப்படங்கள் இனி கர்நாடகாவில் திரையிட அனுமதி இல்லை!!

ரஜினி, கமல் திரைப்படங்களை கர்நாடகாவில் திரையிட அனுமதிக்க மாட்டோம் என வாட்டாள் நாகராஜ் தெரிவித்துள்ளார்.

உச்சநீதிமன்ற தீர்ப்பின் படி காவிரி மேலாண்மை வாரியம் அமைக்க வலியுறுத்தி தமிழகம் முழுவதும் போராட்டங்கள் நடந்து வருகின்றன. அந்த வகையில் திரைத் துறை சார்பில் சமீபத்தில் போராட்டம் நடந்தது.

இதில் நடிகர் கமல், ரஜினி, விஜய் உள்ளிட்ட திரை பிரபலங்கள் கலந்து கொண்டு தண்ணீருக்காக குரல் கொடுத்தனர்.

இதையடுத்து ரஜினி, கமல் படங்களை திரையிட அனுமதிக்க மாட்டோம் என கன்னட சலுவளி வாட்டாள் கட்சி தலைவர் வாட்டாள் நாகராஜ் தெரிவித்துள்ளார். தமிழக – கர்நாடகா எல்லையான அத்திப்பள்ளியில் நடந்த போராட்டத்தின் போது அவர் இதை தெரிவித்துள்ளார். முன்னதாக கபாலி பட ரிலீஸின் போதும் வாட்டாள் நாகராஜ் பிரச்னை செய்தார் என்பது குறிப்பிடத்தக்கது.

Website – www.universaltamil.com

Facebook – www.facebook.com/universaltamil

Twitter – www.twitter.com/Universalthamil

Instagram – www.instagram.com/universaltamil

Contact us – [email protected]