மின்சார சபையை சுற்றிவளைத்து தொழிற்சங்க போராட்டம்

இலங்கை மின்சார சபை ஊழியர்கள், சபையின் தலைமையகத்தையும் மின்சக்தி அமைச்சையும் சுற்றிவளைத்து எதிர்ப்பு ஆர்ப்பாட்டத்தில் ஈடுபட தீர்மானித்துள்ளதாக தெரிவிக்கப்பட்டுள்ளது.

இலங்கை மின்சார சபை கூட்டு தொழிற்சங்க ஏற்பாட்டாளர் ரஞ்ஜன் ஜயலால் இதனை தெரிவித்துள்ளார்.

சட்டவிரோதமான முறையில் முன்னெடுக்கப்பட்டுள்ள இலங்கை மின்சார சபை ஊழியர்களின் சம்பள அதிகரிப்பை உடன் நிறுத்துமாறும், சபைக்குள் இடம்பெறும் இலஞ்ச, ஊழல்களுக்கு எதிராகவும் இன்று (17) இந்த சுற்றிவளைப்பு போராட்டம் இடம்பெவுள்ளது.

முகாமைத்துவ அதிகாரியுடன் இதுவரை இடம்பெற்ற பேச்சுவார்த்தைகளில் தீர்வு கிடைக்காமை காணமாக தொழிற்சங்க நடவடிக்கைக்கு முன்வந்துள்ளதாக அவர் மேலும் கூறியுள்ளார்.