மட்டன் குடல் வறுவல் செய்வது எப்படி?

மட்டன் குடல் வறுவல் செய்வது எப்படி?

தோசை, இட்லி, சாதத்திற்கு தொட்டுக்கொள்ள அருமையாக இருக்கும் மட்டன் குடல் வறுவல் செய்வது எப்படி என்று பார்க்கலாம்.

தேவையான பொருட்கள்

மட்டன் குடல் – 1 (சிறியது)
சின்னவெங்காயம் – 50 கிராம்
காய்ந்த மிளகாய் – 4,
பச்சை மிளகாய் – 4,
எண்ணெய் – 6 தேக்கரண்டி,
கறிவேப்பிலை, மட்டன் மசாலா – 4 தேக்கரண்டி,
கொத்தமல்லி – சிறிதளவு,
மிளகு தூள் – தேவையான அளவு,
உப்பு – சிறிதளவு.

செய்முறை

குடலை நன்றாக சுத்தம் செய்து பொடியாக நறுக்கி வேக வைத்து கொள்ளவும். சின்ன வெங்காயம், ப.மிளகாயை பொடியாக நறுக்கி கொள்ளவும்.

பாத்திரத்தில் எண்ணெய் விட்டு அதனுடன் சின்ன வெங்காயம், பச்சைமிளகாய் சேர்த்து நன்கு வதக்கிவும்.

வெங்காயம் நன்றாக வதங்கிய பின்னர் வேகவைத்த குடலை சேர்த்து நன்கு கிளறவும்.

பின்னர் அதனுடன், மட்டன் மசாலா, உப்பு, மிளகு தூள் சேர்த்து தண்ணீர் எல்லாம் வற்றி உதிரியாக வந்ததும் கொத்தமல்லி தழை தூவி கிளறி எடுத்து பரிமாறவும்.

Website – www.universaltamil.com

Facebook – www.facebook.com/universaltamil

Twitter – www.twitter.com/Universalthamil

Instagram – www.instagram.com/universaltamil

Contact us – [email protected]