மட்டன் கீமா கட்லெட் செய்வது எப்படி?

மட்டன் கீமா கட்லெட் செய்வது எப்படி?

இன்று குழந்தைகள் மட்டுமல்லாது பெரியவர்களும் விரும்பி சாப்பிடும் மட்டன் கீமா கட்லெட் செய்வது எப்படி என்று பார்க்கலாம்.

தேவையான பொருட்கள் 

மட்டன் கீமா – 500 கிராம்
உருளைகிழங்கு – 200 கிராம்
எண்ணெய் – 100 – 150 மில்லி
பெரிய வெங்காயம்- 1
பச்சை மிளகாய் – 2
இஞ்சி பூண்டு விழுது – 2 டீஸ்பூன்
மிளகாய்த்தூள் – 1 டீஸ்பூன்
மஞ்சள் தூள் – அரைஸ்பூன்
கரம் மசாலா – அரைஸ்பூன்
மிளகுத்தூள் – அரைஸ்பூன்
சீரகத்தூள் – அரைஸ்பூன்
பெருஞ்சீரகத்தூள்- அரைஸ்பூன்
முட்டை – 1
கொத்தமல்லி, புதினா – சிறிது
பிரட் தூள் – சிறிதளவு,
உப்பு – தேவையான அளவு

செய்முறை

*வெங்காயம், கொத்தமல்லி, புதினாவை பொடியாக நறுக்கி வைக்கவும். உருளைக்கிழங்கை தோல் நீக்கி துண்டுகளாக வெட்டி வைக்கவும்.

*மட்டன் கீமாவை நன்றாக கழுவி நீர் வடிகட்டி விட்டு குக்கரில் போட்டு அதனுடன் மஞ்சள் தூள், மிளகாய்த்தூள், இஞ்சி பூண்டு தேவைக்கு உப்பு, உருளைக்கிழங்கை சேர்த்து தேவையான அளவு தண்ணீர் சேர்த்து 5 விசில் போட்டு வேக வைத்து இறக்கவும்.

*உருளையை தனியாக ஒரு பாத்திரத்தில் எடுத்து மசித்து கொள்ளவும்.

*வெந்த கீமாவை மீண்டும் அடுப்பில் வைத்து தண்ணீர் சுண்ட வைக்கவும்.
மசித்த உருளையுடன், வேகவைத்த கீமா, வெங்காயம், கொத்தமல்லி, புதினா, மிளகாய் தூள், மிளகுத்தூள், சீரகத்தூள், பெருஞ்சீரகத்தூள், கரம்மசாலா துள், ஒரு முட்டை, பிரட் தூள், சிறிது உப்பு சேர்த்து நன்றாக கலந்து கொள்ளவும்.

*மசாலா பொருட்கள் கலந்த கீமாவை சிறு உருண்டைகளாக உருட்டி விரும்பிய வடிவில் தட்டி வைக்கவும்.

*பின்னர் பாத்திரத்தை அடுப்பில் வைத்து பொரிப்பதற்கு தேவையான எண்ணெய் ஊற்றி சூடானதும் செய்து வைத்துள்ள கட்லெட்டை போட்டு சிவந்து பொரித்து எடுக்கவும். இப்போது சுவையான சூடான மட்டன் கீமா கட்லெட் ரெடி.

Website – www.universaltamil.com

Facebook – www.facebook.com/universaltamil

Twitter – www.twitter.com/Universalthamil

Instagram – www.instagram.com/universaltamil

Contact us – [email protected]