பகல்நேரத்தில் திருடிய பெண் சிக்கினார்

கொழும்பு மற்றும் அதனை அண்மித்த பல பிரதேசங்களில் உள்ள வீடுகளுக்கு சென்று பொருட்களை திருடிவந்த பெண் ஒருவர் கைதுசெய்யப்பட்டுள்ளார்.

நிட்டம்புவ பொலிஸாரால் முன்னெடுக்கப்பட்ட விசாரணைகளின் போது, பள்ளேவல பிரதேசத்தில் வைத்து குறித்த பெண் கைது செய்யப்பட்டுள்ளார்.

குறித்த பெண்ணை கைதுசெய்த சந்தர்பத்தில் அவரிடமிருந்து நான்கு மடிக்கணினிகள், நான்கு அலைபேசிகள் மற்றும் தங்க ஆபரணங்கள் என்பவற்றை பொலிஸார் கைப்பற்றியுள்ளனர்.

அத்துடன், 23 வயதுடைய சந்தேக நபரான பெண், பள்ளேவல பிரதேசத்தை சேர்ந்தவர் என பொலிஸார் தெரிவித்துள்ளனர்.

குறித்த பெண், நிட்டம்புவ, கிரிபத்கொட, மீரிகம உள்ளிட்ட பிரதேசங்களில் உள்ள வீடுகளில் பகல் நேரங்களில் நுழைந்து பொருட்களை திருடி வந்துள்ளதாக பொலிஸாரின் விசாரணையில் தெரியவந்துள்ளது.

Website – www.universaltamil.com

Facebook – www.facebook.com/universaltamil

Twitter – www.twitter.com/Universalthamil

Instagram – www.instagram.com/universaltamil

Contact us – [email protected]