தளபதி 62 படத்திற்காக அமெரிக்கா பறக்கும் விஜய்

தளபதி 62 படத்தின் படப்பிடிப்பு விறுவிறுப்பாக நடந்து வரும் நிலையில், அடுத்தகட்ட படப்பிடிப்பிற்காக விஜய் அமெரிக்கா செல்லயிருக்கிறார்.

கத்தி, துப்பாக்கி ஆகிய படங்களைத் தொடர்ந்து ஏ.ஆர்.முருகதாஸ் இயக்கத்தில் தளபதி விஜய் தன்னுடைய 62வது படத்தில் விறுவிறுப்பாக நடித்து வருகிறார். இப்படம் அரசியல் பின்னணியை மையமாக வைத்து உருவாகி வருகிறது. பைரவா படத்தைத் தொடர்ந்து இப்படத்தில் விஜய்க்கு ஜோடியாக கீர்த்தி சுரேஷ் நடிக்கிறார்.

வரலட்சுமி முக்கிய ரோலில் நடித்து வருகிறார். அரசியல் கதையை மையப்படுத்திய இப்படத்தில், பழ.கருப்பையா, ராதாரவி இருவரும் அரசியல் தலைவர்களாக நடிக்கின்றனர். இந்த நிலையில், படப்பிடிப்பு தளத்தில் இயக்குனர் ஏ.ஆர்.முருகதாஸ் பேண்ட் செட் இசைக்குழுவுடன் இணைந்து இசைக்கும் வீடியோ ஒன்று வெளியாகியுள்ளது. மேலும், அந்த வீடியோவின் பின்னணியில், பழ.கருப்பையாவை வரவேற்பது போன்ற பிளக்ஸ் போர்டுகளும், அரசியல் கொடிகளும் காணப்படுகின்றன.

கிட்டத்தட்ட 70 சதவிகித படப்பிடிப்பு முடிவடைந்த நிலையில், வரும் ஜூலை இறுதிக்குள் படப்பிடிப்பை முடிக்க படக்குழுவினர் திட்டமிட்டுள்ளனர். அடுத்தகட்ட படப்பிடிப்பிற்காக அமெரிக்கா செல்கிறது படக்குழு. வரும் 22ம் தேதி விஜய் தனது 44வது பிறந்தநாளை கொண்டாடுகிறார். அன்று தளபதி 62 படத்தின் ஃபர்ஸ்ட் லுக் போஸ்டரை வெளியிட படக்குழுவினர் திட்டமிட்டுள்ளனர்.

Website – www.universaltamil.com

Facebook – www.facebook.com/universaltamil

Twitter – www.twitter.com/Universalthamil

Instagram – www.instagram.com/universaltamil

Contact us – [email protected]