சூப்பரான பட்டர் கீமா மசாலா செய்வது எப்படி?

சூப்பரான பட்டர் கீமா மசாலா செய்வது எப்படி?

இன்று தோசை, புலாவ், சப்பாத்தி, நாண் போன்றவற்றுடன் சாப்பிட கூடிய பட்டர் கீமா மசாலா செய்வது எப்படி என்று பார்க்கலாம்.

தேவையான பொருட்கள்

மட்டன் கீமா – 1 கிலோ
வெண்ணெய் – 1 கப்
தயிர் – 500 கிராம்
இஞ்சி பேஸ்ட் – 3 டீஸ்பூன்
பூண்டு பேஸ்ட் – 3 டீஸ்பூன்
வெங்காயம் – 3
தக்காளி – 2
கிராம்பு – 5
பட்டை – 1 இன்ச்
கருப்பு ஏலக்காய் – 2
பச்சை ஏலக்காய் – 2
பச்சை மிளகாய் – 6
பிரியாணி இலை – 2
உப்பு – தேவையான அளவு
மிளகாய் தூள் – 3 டீஸ்பூன்
கொத்தமல்லி – சிறிது

செய்முறை

* மட்டன் கீமாவை நன்றாக சுத்தம் செய்து வைக்கவும். வெங்காயம், தக்காளி, ப.மிளகாய், கொத்தமல்லியை பொடியாக நறுக்கி வைக்கவும்.

* ஒரு பாத்திரத்தை அடுப்பில் வைத்து, அதில் எண்ணெய் ஊற்றி காய்ந்ததும், கிராம்பு, பட்டை, கருப்பு மற்றும் பச்சை ஏலக்காய், பிரியாணி இலை, பச்சை மிளகாய் சேர்த்து தாளித்த, பின் வெங்காயத்தைப் போட்டு பொன்னிறமாக வதக்க வேண்டும்.

* பின்னர் வெங்காயம் நன்றாக வதங்கியதும் அதில் இஞ்சி, பூண்டு பேஸ்ட் சேர்த்து நன்கு மணம் வரும் வரை வதக்கி, பின் 1 கப் தண்ணீர் ஊற்றி, தேவையான அளவு உப்பு சேர்த்து சிறிது நேரம் கொதிக்க விட வேண்டும்.

* அதற்குள் மற்றொரு அடுப்பில் ஒரு பாத்திரத்தை வைத்து, அதில் எண்ணெய் ஊற்றி காய்ந்ததும், கீமாவை போட்டு சிறிது நேரம் வதக்க வேண்டும். பின்பு அதில் தக்காளியை போட்டு நன்கு வதக்கி, சிறிது நேரம் வேக வைக்க வேண்டும்.

* பின் அதில் வெண்ணெயை சேர்த்து நன்கு பிரட்டி, மற்றொரு அடுப்பில் உள்ள பாத்திரத்தில் போட்டு கிளறி விட்டு, அதில் உப்பு, மிளகாய் தூள் சேர்த்து, தண்ணீர் வற்றும் வரை நன்கு கீமாவை வேக வைக்க வேண்டும்.

* அடுத்து அதில் தயிர் சேர்த்து கிளறி, மிதமான தீயில் மூடி வைத்து கீமா தயிரை முற்றிலும் உறிஞ்சியதும், அடுப்பில் இருந்து இறக்கி, மேலே கொத்தமல்லியைத் தூவினால், பட்டர் கீமா மசாலா ரெடி!!!

Website – www.universaltamil.com

Facebook – www.facebook.com/universaltamil

Twitter – www.twitter.com/Universalthamil

Instagram – www.instagram.com/universaltamil

Contact us – [email protected]