சூப்பரான ஃபிங்கர் சிக்கன் செய்வது எப்படி?

சூப்பரான ஃபிங்கர் சிக்கன் செய்வது எப்படி?

வீட்டிலேயே எளிதில் செய்யக்கூடிய ஃபிங்கர் சிக்கன் எப்படி செய்வது என்று பார்க்கலாம்.

தேவையான பொருட்கள்

சிக்கன் (1 இஞ்ச் நீளமான எலும்பில்லாத கறி) – 1/2 கிலோ
முட்டை – 1
தயிர் – 1 கப்
இஞ்சி பூண்டு விழுது – 2 டீஸ்பூன்
மைதா – 1 கப்
பிரட் தூள் – 1 கப்
உப்பு – 1 டீஸ்பூன்
மிளகுத்தூள் – 1 டீஸ்பூன்
மிளகாய் தூள் – 1 டீஸ்பூன்
பேக்கிங் பவுடர் – 1 டீஸ்பூன்
கேசரி கலர் – சிறிதளவு
எண்ணெய் – தேவையான அளவு

செய்முறை

சிக்கனை நன்றாக கழுவி சுத்தம் செய்து கொள்ளவும். ஒரு பாத்திரத்தில் முட்டையை உடைத்து ஊற்றி நன்கு அடித்துக் கொள்ளவும்.

பின் அதில் தயிர், இஞ்சி பூண்டு விழுது, மிளகாய் தூள், உப்பு போட்டு கலக்கிக் கொள்ளவும். சிக்கனை நன்கு கழுவி அந்த கலவையில் போட்டு பிரட்டி வைத்து, 3 மணிநேரம் ஃப்ரிட்ஜில் வைத்து ஊற வைக்கவும்.

ஒரு சிறு பாத்திரத்தில் மைதா, உப்பு மற்றும் பேக்கிங் பௌடரை நீரில் கரைத்து வைத்துக் கொள்ளவும்.

பின்னர் ஃப்ரிட்ஜில் இருந்து சிக்கனை எடுத்து, அதில் உள்ள தயிர் கலவையை முற்றிலும் வடித்து விடவும்.

ஒரு பாத்திரத்தை அடுப்பில் வைத்து, அதில் பொரிப்பதற்கு தேவையான எண்ணெய் ஊற்றி சூடேற்றவும். வடிகட்டிய சிக்கன் துண்டுகளை மைதா கலவையில் நனைத்து, பிரட் தூளில் பிரட்டி, எண்ணெயில் போட்டு பொன்னிறமாக பொரித்து எடுக்கவும்.

பொரித்த சிக்கனை ஒரு தட்டில் வைத்து அதன் மேல் மிளகுத்தூளைத் தூவி பரிமாறவும். வேண்டுமென்றால் அதன் மேல் எலுமிச்சை பழச்சாற்றை பிளிந்தும் சாப்பிடலாம். இப்போது சுவையான ஃபிங்கர் சிக்கன் ரெடி!!!

Website – www.universaltamil.com

Facebook – www.facebook.com/universaltamil

Twitter – www.twitter.com/Universalthamil

Instagram – www.instagram.com/universaltamil

Contact us – [email protected]