கடும் கோபத்துடன் மைதானத்திற்குள் நுழைந்து நடுவரின் தவறை சுட்டிக்காட்டியதால் தோனிக்கு அபராதம்

நடுவரின் தவறை சுட்டிக்காட்டிய தோனிக்கு அபராதம் ராஜஸ்தான் அணிக்கு எதிராக ஜெய்பூரில் நடைபெற்ற ஐபிஎல் போட்டியின் இறுதி ஓவரில் வீசப்பட்ட பந்து குறித்து மைதானத்தில் இருந்த நடுவா்கள் மாறுபட்ட தீா்ப்பு வழங்கியதை சுட்டிக்காட்டிய தோனிக்கு அபராதம் விதிக்கப்பட்டுள்ளது.

ஐபிஎல் தொடரில் நேற்றைய போட்டியில் ராஜஸ்தான் ராயல்ஸ், சென்னை சூப்பா் கிங்ஸ் அணிகள் மோதிக் கொண்டன. ராஜஸ்தான் மாநிலம் ஜெய்பூரில் நடைபெற்ற போட்டியில் டாஸ் வென்ற சென்னை அணி பந்துவீச்சை தோ்வு செய்தது. சென்னை அணி பந்து வீச்சாளா்கள் கட்டுக்கோப்பாக பந்து வீசவே ராஜஸ்தான் அணி ரன் சோ்ப்பதில் தொய்வு ஏற்பட்டது. இறுதியில் அந்த அணி 7 விக்கெட் இழப்புக்கு 151 ரன்கள் சோ்த்தது.

இதனைத் தொடா்ந்து சென்னை அணி பேட்டிங் செய்தது. சென்னை அணியில் சீரான இடைவெளியில் விக்கெட்டுகள் விழுந்த நிலையில் கேப்டன் தோனி, அம்பதி ராயுடு நிலையான ஆட்டத்தை வெளிப்படுத்தினா். ராயுடு 57 ரன்கள் எடுத்த நிலையில் ஆட்டம் இழந்தாா். இறுதி வரை போராடிய கேப்டன் தோனி 58 ரன்கள் எடுத்தாா்.

கடைசி ஓவரில் 18 ரன்கள் தேவை என்ற நிலையில் முதல் பந்திலேயே சிக்சா் அடித்து ரசிகா்களை குஷி படுத்தினாா் ஜடேஜா. அடுத்த பந்தில் 1 ரன் எடுக்கப்பட்டது. அது நோ பாலாக அமைய ஃப்ரீ ஹிட்டில் தோனி இரண்டு ரன் எடுத்து அடுத்த பந்திலேயே ஆட்டமிழந்தார்.

அடுத்துக் களமிறங்கிய சான்ட்னர், இடுப்புக்கு மேல் ஃபுல் டாஸாக வந்த பந்தில் 2 ரன்கள் எடுத்தார். அப்போது எதிரில் இருந்த பிரதான நடுவா் நோ-பால் கொடுத்தாா். ஆனோல் லெக் அம்பையா் அது சாியான பந்து தான் என்றாா். ஜடேஜா நோ-பால் கேட்கவே அது சரியான பந்து தான் என்று கூறி ஆட்டத்தை தொடர முற்பட்டனா்.

அப்போது களத்திற்கு வெளியில் இருந்த கேப்டன் கூல் தோனி, உடனடியாக ஆக்ரோஷமாக மைதானத்திற்குள் சென்று நடுவா்களுடன் வாக்குவாத்ததில் ஈடுபட்டாா். ஒரு நடுவா் நோ-பால் கொடுத்த நிலையில் மற்றொரு நடுவா் சரியான பந்து என்று கூறியது குறித்து கேள்வி எழுப்பினா்ா. இறுதியில் அது சரியான பந்து தான் என்று முடிவு செய்த நடுவா்கள் ஆட்டத்தை தொடா்ந்தனா்.

கடைசி பந்தில் சென்னை அணி வெற்றி பெற 3 ரன்கள் தேவைப்பட்ட நிலையில் சான்ட்னா் சிக்சா் அடித்து த்ரில் வெற்றியை பதிவு செய்தாா்.

இந்நிலையில் மைதானத்திற்குள் நுழைந்து நடுவா்களின் தவறை சுட்டிக்காட்டியதற்காக நேற்றைய போட்டியில் தோனியின் சம்பளத்தில் இருந்து 50 சதவிகிதம் அபராதம் விதிக்கப்படுவதாக ஐபிஎல் நிா்வாகம் தொிவித்துள்ளது.

Website – www.universaltamil.com

Facebook – www.facebook.com/universaltamil

Twitter – www.twitter.com/Universalthamil

Instagram – www.instagram.com/universaltamil

Contact us – [email protected]