கடலில் நீராடிய நிலையில் காணாமல் போன மாணவன் சடலமாக மீட்பு

கடலில் நீராடிய நிலையில் காணாமல் போன மாணவன் சடலமாக மீட்பு

மட்டக்களப்பு ஏறாவூர் புன்னைக்குடா கடலில் நீராடிய நிலையில் அலையினால் அள்ளுண்டு செல்லப்பட்டு காணாமல் போன மாணவன் சனிக்கிழமை 06.01.2018 சடலமாக மீட்கப்பட்டுள்ளதாக ஏறாவூர் பொலிஸார் தெரிவித்தனர்.

ஏறாவூர் மாக்கான் மாக்கார் வித்தியாலயத்தில் சாதாரண தரத்தில் கல்வி கற்கும் அப்துல் ஸலாம் அஸ்பஹான் (வயது 16) எனும் மாணவனின் சடலமே மீட்கப்பட்டுள்ளது.

ஏறாவூர் சத்தாம்ஹ_ஸைன் கிராமத்தை வசிப்பிடமாக கொண்ட இம்மாணவன் வெள்ளிக்கிழமை பிற்பகல் புன்னைக்குடா கடலில் நீராடிக் கொண்டிருக்கும்போது காணாமல் போயிருந்தார்.

உடனடியாக மீனவர்களும் கடற்படையினரும் தேடுதலில் ஈடுபட்டபோதும் மறுநாள் சனிக்கிழமையே அவர் சடலமாக மீட்கப்பட்டார்.
உடற்கூறு பரிசோதனைக்காக சடலம் ஏறாவூர் ஆதார வைத்தியசாலைக்குக் கொண்டு வரப்பட்டுள்ளது.

இச்சம்பவம் குறித்து ஏறாவூர் பொலிஸார் விசாரணைகளை முன்னெடுத்து வருகின்றனர்.

Website – www.universaltamil.com

Facebook – www.facebook.com/universaltamil

Twitter – www.twitter.com/Universalthamil

Instagram – www.instagram.com/universaltamil

Contact us – [email protected]