ஆறுமுகம் தொண்டமானுக்கு அமைச்சரவையில் இடம்?

இ.தொ.கா தலைவர் ஆறுமுகம் தொண்டமானுக்கும் அமைச்சரவையில் இடமளிக்கப்படவுள்ளதாக தெரிவிக்கப்படுகின்றது.

அமைச்சராகப் பதவியேற்குமாறு தமக்கு அழைப்பு விடுக்கப்பட்டுள்ளதாக ஆறுமுகன் தொண்டமான் தெரிவித்துள்ளார்.

ஹட்டனில் நேற்று நடந்த கூட்டத்தின் பின்னரே அவர் இந்த தகவலை வெளியிட்டுள்ளார்.

அமைச்சர் பதவியை ஏற்றுக் கொள்ளுமாறு ஜனாதிபதி மற்றும் அரசாங்கத்திடம் இருந்து அழைப்பு வந்ததாகவும், ஆனாலும், மே தின நிகழ்வில் பங்கேற்க வேண்டியிருந்ததால் தாம் அங்கு செல்லவில்லை என்றும் அவர் கூறியுள்ளார்.

அமைச்சரவையில் இணைந்து கொள்வது குறித்து பேசுவதற்காக நேற்று பிற்பகல் கொழும்பு செல்லவிருப்பதாகவும், ஆறுமுகன் தொண்டமான் குறிப்பிட்டுள்ளார்.

இதேவேளை, பிரதி அமைச்சர்கள் மற்றும் இராஜாங்க அமைச்சர்கள் பதவியேற்பு இன்று நடைபெறவுள்ளமை குறிப்பிடத்தக்கது.

Website – www.universaltamil.com

Facebook – www.facebook.com/universaltamil

Twitter – www.twitter.com/Universalthamil

Instagram – www.instagram.com/universaltamil

Contact us – [email protected]