‘ஆர்யா’வுக்கு எதிராக களமிறங்கியிருக்கும் மாதர் சங்கம்!!

ஆர்யா

‘ஆர்யா’வுக்கு எதிராக களமிறங்கியிருக்கும் மாதர் சங்கம்!!

தனியார் தொலைக்காட்சியில் நடிகர் ஆர்யா தனது மணப்பெண்ணைத் தேடும் நிகழ்ச்சி ‘எங்கள் வீட்டு மாப்பிள்ளை’ என்ற பெயரில் ஒளிபரப்பப்பட்டு வருகிறது. இந்நிகழ்ச்சியில் 16 பெண்கள் பங்கெடுத்துள்ளனர். இவர்களில் ஒருவரைத் தான் தனது மணப்பெண்ணாக தேர்வு செய்ய இருப்பதாக தெரிவிக்கப்பட்டுள்ளது.

இந்த நிகழ்ச்சியின் படப்பிடிப்பு திருவாரூர் மாவட்டம் குடவாசலில் நடைபெறுகிறது. படப்பிடிப்பில் கலந்து கொள்வதற்காக நேற்று நடிகர் கும்பகோணம் கல்லூரி சாலையில் உள்ள ஒரு தனியார் ஓட்டலில் தங்கியிருந்தார்.

ஆர்யா

இந்தத் தகவல் தீயாய்ப் பரவியது. இதனை அறிந்த கும்பகோணம் துர்கா மாதர் சங்கத்தை சேர்ந்த பெண்கள் 10-க்கும் மேற்பட்டோர் அந்த ஓட்டலை முற்றுகையிட்டு போராட்டத்தில் ஈடுபட்டனர். அவர்கள், நடிகர் ஆர்யா பங்கேற்கும் இந்த நிகழ்ச்சி பெண்களை இழிவுபடுத்தும் வகையிலும், தமிழக கலாசாரத்தை சீரழிப்பதாகவும் இருப்பதால் அந்த நிகழ்ச்சியை ரத்து செய்ய வேண்டும் என்று வலியுறுத்தி போராட்டத்தில் ஈடுபட்டனர்.

போராட்டத்தில் ஈடுபட்ட பெண்களிடம் கும்பகோணம் கிழக்கு பொலிஸார் பேச்சுவார்த்தை நடத்தினர். இதையடுத்து பெண்கள் அங்கிருந்து கலைந்து சென்றனர். இதையடுத்து நடிகர்ஆர்யா, படப்பிடிப்பில் பங்கேற்பதற்காக போலீஸ் பாதுகாப்புடன் காரில் புறப்பட்டு சென்றார்.

Website – www.universaltamil.com

Facebook – www.facebook.com/universaltamil

Twitter – www.twitter.com/Universalthamil

Instagram – www.instagram.com/universaltamil

Contact us – [email protected]