சர்க்கார் படத்தின் பர்ஸ்ட் லுக் போஸ்டரை நீக்கிய சன்பிக்சர்ஸ் மற்றும் ஏ.ஆர்.முருகதாஸ்

படத்தின் புகைப்பிடிக்கும் பர்ஸ்ட் லுக் போஸ்டரை நீக்க வேண்டும் என சுகாதாரத் துறை நோட்டீஸ் அனுப்பியதையடுத்து, சன்பிக்சர்ஸ் மற்றும் ஏ.ஆர்.முருகதாஸ் ஆகியோர் அதை தங்கள் ட்விட்டர் பக்கத்தில் இருந்து நீக்கியுள்ளனர்.

கத்தி, துப்பாக்கி ஆகிய படங்களைத் தொடர்ந்து தளபதி விஜய் – ஏ.ஆர்.முருகதாஸ் கூட்டணியில் சர்கார் படம் உருவாகி வருகிறது. இப்படத்தின் பர்ஸ்ட் லுக் கடந்த மாதம் 21ம் தேதி விஜய் பிறந்தநாளை (ஜூன் 22) முன்னிட்டு வெளியானது. இந்த போஸ்டரில் விஜய் புகைப்பிடிப்பது போன்று இருந்ததால், இது குறித்து விமர்சனங்கள் எழுந்தன. சில அரசியல் கட்சிகளும் அந்தக் காட்சியை நீக்க வேண்டும் என்று கடுமையாக விமர்சித்தன.

இந்நிலையில், புகைப்பிடித்தபடி உள்ள விஜய்யின் படத்தை இணையதளங்களில் இருந்தும், சமூக வலைதளங்களில் இருந்தும் உடனடியாக நீக்க வேண்டும் என்று பொதுச்சுகாதாரத்துறை தளபதி விஜய், தயாரிப்பு நிறுவனம் சன்பிக்சர்ஸ் மற்றும் இயக்குனர் ஏ.ஆர்.முருகதாஸ் ஆகியோருக்கு நோட்டீஸ் அனுப்பியது.

மேலும், இந்த போஸ்டரில் இடம்பெற்றிருந்த காட்சியை உடனடியாக நீக்காவிட்டால், சட்டப்பூர்வமான நடவடிக்கை மேற்கொள்ளப்படும் என்றும் எச்சரிக்கை விடுத்துள்ளது. மேலும், புகை பிடிக்கும் பழக்கத்தை ஒழிக்க அரசு மேற்கொள்ளும் முயற்சிக்கு திரைத்துறையை சார்ந்தவர்கள் முழுவதும் ஒத்துழைப்பு கொடுக்க வேண்டும் என்று சுகாதாரத்துறை கேட்டுக்கொண்டது.

இதையடுத்து, சன்பிக்சர்ஸ் நிறுவனமும் ஏ.ஆர்.முருகதாஸும் தங்கள் ட்விட்டர் பக்கத்தில் இருந்து விஜய் புகைப்பிடிக்கும் பர்ஸ்ட் லுக் போஸ்டரை நீக்கியுள்ளனர். இருப்பினும், நடிகர் விஜய் தனது ட்விட்டர் பக்கத்தில் இருந்து அந்தப் படத்தை நீக்காமல் உள்ளார் என்பது குறிப்பிடத்தக்கது.

Website – www.universaltamil.com

Facebook – www.facebook.com/universaltamil

Twitter – www.twitter.com/Universalthamil

Instagram – www.instagram.com/universaltamil

Contact us – [email protected]